Psa 58 | NdeIBE | STEP | Kumqondisi wokuhlabela. Itshuni ethi, “Ungabhidlizi.” ElikaDavida. Imikithami. Lina babusi, kambe likhuluma okuqondileyo na? Lahlulela ngobuqotho yini ebantwini?

Psalms 58

1 Lina babusi, kambe likhuluma okuqondileyo na? Lahlulela ngobuqotho yini ebantwini?

2 Hatshi, ezinhliziyweni zenu lakha amacebo okubusa kubi, lezandla zenu zijezisa ngochuku emhlabeni.

3 Kwasekuzalweni ababi bayaphumputheka; kwasekuzalweni baxhwalile, beqamba amanga.

4 Itshefu yabo ifana letshefu yenyoka, ifana leyebululu elingezwa umsindo,

5 elingananzi lomculo wombumbi, loba lowombumbi eligabazi elinganani.

6 Khumula amazinyo emilonyeni yazo, hawu Nkulunkulu; zikhumule, O Jehova, izingavula zezilwane!

7 Yekela zinyamalale njengamanzi agelezayo; zithi lapho zinweba idandila, kayithundubale imitshoko yazo.

8 Njengomnenke uncibilika uphele ulokhu uhamba, njengomphunzo, kabangaliboni ilanga.

9 Izimbiza zakho zingakaqalisi ukutshisa ngomlilo wenkuni zameva – loba ngezimanzi kumbe ngezomileyo – ababi bazakhukhulelwa khatshana.

10 Abalungileyo bazajabula nxa sebephindiselelwa, nxa sebegeza izinyawo zabo egazini lababi.

11 Lapho-ke abantu bazakuthi, “Ngempela abalungileyo bajinge bavuzwe; ngempela ukhona uNkulunkulu owahlulela umhlaba.”